Pinoy Newsmakers of 2011

“Matuto mula sa nakalipas upang mapaghandaan ang bukas”

Isang taon na naman ang magtatapos. Isang taong punong-puno ng kulay. Muli nating balikan ang mga Pinoy na nagbigay-kulay sa taong 2011. Sino nga ba ang dapat taguriang Pinoy Newsmaker of 2011?

Ang Pagbabalik sa Dating Tambayan

“Hangga’t may buhay pa, hindi dapat tumigil ang pagkakamit sa pangarap”

 

UPLB

Alas dos ng hapon ngayon, nagpaalam ako sa aking boss para pumunta sa dati kong tambayan. Napakabait ng aking boos sapagkat pinayagan niya akong umalis ng trabaho para bumalik dito. Halos anim na taon na akong hindi nakakabalik dito. Habang nakasakay sa jeep ay naramdaman ko ang magkahalong kaba, saya at pananabik na makita itong muli. 

Buhay HR

“Simulan ang bagong kabanata ng buhay ng may ngiti sa labi upang maging maligaya ang pagtatapos nito.”

Matapos ang mahigit sa isang taon ng pahinga…nagtrabaho akong muli!

Kung dati ay isa sa mga pinakamalaking outsourcing companies ngayon naman ay sa isa sa mga pinakamalaking manufacturing companies sa Pilipinas. At ngayon ay bilang bahagi ng Human Resources Department.

Kakatapos lang ng aking ikalawang linggo bilang HR. Masasabi kong mas madali ito sa aking dating trabaho. Mas madali pero mas malaki ang sweldo. Haha! O baka naman ngayon lang madali at pag tumagal ay mararamdaman ko na ang hirap. Hindi ko alam. Huwag naman sanang sobrang hirap. Pero hindi ko talaga aatrasan ang nasimulan ko na.

Miss Universe 2010

“Mabuhay mula sa iyong puso. Haplusin ng pagmamahal ang bawat isang tao at hayaan nitong pagalingin ang kanilang diwa.”

Miss Universe 2010 - Jimena Navarette (Mexico)

Nasungkit muli ng Mexico ang korona ng Miss Universe sa katauhan ni Jimena Navarette. Matapos ang labinsiyam na taon ay naibalik muli sa Mexico ang korona. Una itong napanalunan para sa Mexico ni Lupita Jones ang kasalukuyang National Director ng Nuestra Belleza Mexico, ang katapat ng Binibining Pilipinas sa Mexico. Coincidentally, sa Las Vegas din ito napanalunan ni Lupita.

Ang pambato naman ng Pilipinas na si Venus Raj ay nagkamit ng ikalimang pwesto o 4th Runner-up. Madaming Pinoy ang sumuporta kay Venus na naghantong pa sa pagsasabi ni Natalie Morales, isa sa mga hosts, ng “The Philippines is here tonight!” Grabe ang sigawan para kay Venus. At hanggang sa kasalukuyan, isa pa din sa Venus Raj sa trending topics sa Twitter.

Labing-isa sa Top Choices ko ang nakasama sa seminfinalists o halos 75%. Nagulat ako nang  hindi makasama ang Venezuela at USA sa semifinalists.

Nang Dahil Sa Facebook…

“Ang tunay na kaibigan ay ang taong bumubuo sa iyong buhay sa kabila ng ilang taong pagkakawalay”

San Juan de Bautista Church (Liliw, Laguna)

August 1, 2010. Bumalik ako sa Liliw, Laguna kasama ang dalawang ko pang kaibigan. Ito ay upang bisitahin ang isa pa naming kaibigan na matagal na naming hindi nakikita. Walong taon na hindi namin nakita. Walong taon na hindi namin narinig. Walang taon na hindi namin nakausap. Subalit kahit isang saglit ay hindi nawaglit sa aming isip at tinuring pa din naming kaibigan.

Salamat sa kapaki-pakinabang na Facebook. Muli namin siyang nakausap dahil sa mahiwagang tulong ng Facebook. Matagal ko na siyang hinahanap sa Facebook kagaya ng paghahanap ko sa aking mga dating kaibigan at malalayong kamag-anak. Pero wala siya. Hanggang sa isang araw ay nahanap niya ako sa Facebook. Pina-add ko din siya sa iba naming mga kaklase at kaibigan. At matapos ang walong taon pagkakawalay, nagpunta kami ng Liliw upang siya ay bisitahin. Upang magbalitaan. Upang magtawanan. Upang ulitin ang nakaraan. Muntik pang hindi matuloy dahil sa biglaan pagsugod sa ospital ng ama ng aming kaibigan. Pero sabi namin ay tumuloy na lamang kami at kahit sa hapon na lamang magkita.

June Na!!!

“Ang alaala ay isang paraan ng paghawak sa mga bagay na mahal mo, sa mga bagay na iyo at mga bagay na ayaw mong mawala sa iyo.”

Birth month ko ang June kaya naman masaya ako sa tuwing pumapasok ang buwan na ito. Simula pa noong bata ako, masaya ako sa tuwing matatapos na ang tag-araw at unti-unti nang umuulan araw-araw. Ibig sabihin kasi nito malapit na ang June at malapit na ang birthday ko.

Masaya ako sa pagsapit ng June hindi lang dahil birth month ko ito kundi dahil malapit na din ang pasukan.

Unang Ulan ng Mayo

“Ang buhay ay parang bahaghari. Kailangan mo ang araw at ulan upang makita ang kulay nito.”

Kaninang hapon ay bumuhos dito sa amin ang tinatawag na “unang ulan ng Mayo.” Nung bata pa ako, naliligo kami sa ulan sa pagsapit ng araw na ito. Maswerte daw kasi ang bawat patak na hatid nito at maganda din daw sa kalusugan.

Pero siyempre, pamahiin lamang ito at walang siyentipikong paliwanag. Pero taon-taon pa din namin itong ginagawa nung bata pa ako.

Sampung Palatandaan ng Pagiging Jejemon (10 Signs of Jejemonism)

“Hindi masama ang pagbabago at pagtuklas ng mga bagong bagay basta’t iayon lamang ito sa tama at nararapat.”

Isa ka ba sa kanila?

Sumasambulat na sa mga cellphone ang mga text messages ng mga tinatawag na jejemons. Siguro ang lahat sa atin ay hindi iisang beses nakatanggap ng mga mensahe mula sa kanila. Hindi ko alam ang nararamdaman ninyo sa tuwing nakakatanggap kayo ng ganitong mensahe. Pero isa talaga ako sa mga naiinis sa mga ganitong mensahe. Ang hirap basahin. Para kang sumasagot ng isang puzzle para lamang mabasa ang isang mensahe. Ito ba ang modern hieroglyphics? Nakakainis di ba?!

Noise Pollution Dahil Sa Eleksyon

“Huwag magbalatkayo! Ipakita ang tunay na sarili at adhikain sa taumbayan.”

Isa ka ba sa naiinis kapag paulit-ulit na ang commercial ng isang kandidato?

Isa ka ba sa nabibingi sa tuwing umaalulong sa kalsada ang campaign jingles ng mga kandidato?

Isa ka ba sa nagagalit kapag hindi mo marinig ng maayos ang iyong pinapanood sapagkat nagmimiting de avance ang isang kandidato?

Pwes! Hindi ka nag-iisa!

Writer’s Block

“Ang bawat manunulat ay nagkakaroon ng suliranin sa pagsusulat.”

May napanood akong sitcom kanina lamang tungkol sa isang manunulat na laging may writer’s block. Naisip ko tuloy, iisa pa lamang ang nasusulat kong post dito sa aking blog para sa buwan na ito. Samantalang walong posts lagi ang minimum na nasusulat ko buwan-buwan. Writer’s block na kaya ito?

Ang huli kong naisulat ay ang tula at blog na handog ko sa aking kaibigang pumanaw kamakailan lamang. Binuhos ko na ang kakaunting kaalaman ko sa pagsusulat para sa post na yun na parang wala nang natira pa sa akin. Hindi naman kasi ako talaga sumusulat ng tula, pero dahil sa sobrang emosyon na naramdaman ko noon, nagawa ko ang tulang iyon.