Isang taon na naman ang magtatapos. Isang taong punong-puno ng kulay. Muli nating balikan ang mga Pinoy na nagbigay-kulay sa taong 2011. Sino nga ba ang dapat taguriang Pinoy Newsmaker of 2011?

Beauty Pageants

Namayagpag ang gandang-Pinay sa taong 2011. Sinasabing gumising na daw ang “sleeping powerhouse” pagdating sa larangan ng pagandahan. Sapagkat halos lahat ng ating pambato ay nag-uwi ng karangalan para sa ating bansa mula sa mga international pageants.

1. Athena Mae Imperial (Miss Earth-Water 2011, Miss Philippines-Earth 2011) - Balot ng kwestiyon at kontrobersya ang pagkakakamit ni Athena ng titulong Miss Earth-Water o ang ikatlong pwesto sa nagdaang Miss Earth 2011. May nagsasabing ang height at looks ni Athena ay hindi pasok sa international standards. Nakisakay lamang daw ang Miss Earth Foundation/Carousel Productions sa pagkakapanalo ng madaming Filipina ngayong taong ito sa mga international pageants. Sa Pilipinas ginanap ang Miss Earth sa taong ito matapos iurong ng organizers ang pagdadaos nito sa bansang Thailand dahil sa malaking pagbaha na naganap sa lungsod ng Bangkok. Bagamat madami ang natuwa sa pagkakapanalo ni Athena, madami din ang nagtaas ng kilay.
   

   Shamcey Supsup (Bb. Pilipinas-Universe 2011, Miss Universe 2011 3rd Runner-up)

2. Danica Magpantay (Ford Supermodel of the World 2011, Ford Supermodel of the World-Philippines 2011) - ang Ford Supermodel of the World ang isa sa pinakaprestihiyoso at pinakamalaking international modeling contest kung saan humigit kumulang sa limampung bansa ang sumasali taon-taon simula pa noong taong 1981. Matapos ang pagkakamit ng Pilipinas ng ikalawang pwesto noong 2010 sa pamamagitan ni Chat Almarvez, Pilipinas naman ang nagkamit ng titulo ngayong taong ito. Si Danica ang kauna-unahang Filipina at pangalawang Asian na nag-uwi ng karangalan.
3. Dianne Necio (Bb. Pilipinas-International 2011, Miss International Semifinalist) – Nabigo man si Dianne na iuwi ang ikalimang Miss International title ng Pilipinas, proud pa din ang mga Pinoy sa kanya. Nakita natin kung paano binigay ni Dianne ang lahat para katawanin ang Pilipinas. Kahit na nararamdaman pa niya ang sakit sa pagpanaw ng kanyang ama. Ginawa niya itong inspirasyon para paghusayan sa Miss International 2011. Hinirang si Dianne bilang isa sa mga semifinalists at nakamit din niya ang award na Miss Internet Popularity.
4. Gwendoline Ruais (Miss World Philippines 2011, Miss World 2011 1st Princess) – Pinagbunyi ng mga Pinoy ang pagkakamit ni Gwen ng ikalawang pwesto sa Miss World 2011. Natapatan niya ang pinakamataas na pwesto na nakamit ng Pilipinas sa Miss World na huling nakuha ni Evangeline Pascual noong 1973. Naging matagumpay din ang bagong franchise holder ng Miss World sa Pilipinas na si Cory Quirino dahil sa unang taon pa lamang ng Miss World Philippines ay nakapwesto na agad sila sa Miss World. May mga nagsasabing palabas lamang ito ni Julia Morley upang maengganyo ang mga magagandang Pinay na sumali sa Miss World Philippines. Pero kung totoo man ito o hindi, sigurado ako na sa susunod na taon ay mas madami ang nais makakuha ng titulo ni Gwen.
5. Shamcey Supsup (Bb. Pilipinas-Universe 2011, Miss Universe 3rd Runner up) - Matapos ang major major 4th runner-up finish ni Venus Raj noong nakaraang taon, umangat naman ng isang pwesto ang Architecture Licensure Examination Topnother at UP Diliman Magna Cum Laude Graduate na si Shamcey Supsup sa Miss Universe 2011 na ginanap sa Sao Paolo, Brazil.  Simula pa lamang ng kumpetisyon, angat na angat na ang kagandahan at talino ni Shamcey. Hindi siya nawawala sa mga importanteng event na inorganisa para sa pageant. Sino din ang makakalimot sa pinasikat niyang “tsunami walk” na tanging siya lamang ang may kakayanang gawin? Madami ang nagsasabi na dapat ay siya ang nanalo o mas mataas na pwesto dapat ang kanyang nakamit dahil sa ipinamalas niyang pagsagot sa final question. Subalit gayunpaman, malugod pa ding sinalubong ng mga Pinoy ang pinakabagong reyna ng kagandahan sa Pilipinas.

Showbiz

Madaming ingay ang narinig mula sa industriya ng showbiz nitong nakaraang taon. May mga hiwalayan, pagbabalik, pagwawala, pagbubuntis, pag-aaway na para talagang palabas sa sine.

1. Andi Eigenmann & Albie Casiño - June nagsimula ang blind item tungkol sa pagbubuntis ni Andi. Matapos ang ilang araw ay inamin ng ina ni Andi na si Jaclyn Jose na buntis nga ang kanyang anak pero hindi niya sinabi kung sino ang ama ng pinagbubuntis ni Andi. Madami ang speculations kung sino ang ama. Lumabas ang pangalan ni Jake Ejercito na anak ng dating pangulong Erap Estrada. Pero tinanggi ni Jake sa kayang Twitter account na siya ang ama ng dinadala ni Andi. Lumabas din ang pangalan ng batang aktor na si Albie Casiño na tinanggi din nung una subalit paglaon ay inamin din niya na siya nga ang ama. November 23 ng iniluwal ni Andia ang isang batang babae na pinangalanang Adrianna Gabrielle.
   

   Piolo Pascual and KC Concepcion

2. Claudine Barretto - naging sentro ng kontrobersya si Claudine Barretto matapos itong gumawa ng eksena sa isang banko sa Quezon City. Matatandaang nagtangka magwithdraw ang aktres ng halagang 5 milyong piso mula sa joint account nila ng kanyang asawa na si Raymart Santiago subalit matapos ang halos isa’t kalahating oras ng paghihintay ay wala na daw diumanong laman ang account. Dito nagsimulang magsisigaw uminit ang ulo ng aktres. Dahil sa pangyayaring ito ay lumabas ang balitang hiwalay na sila ni Raymart. Hindi lamang ito ang unang isyu sa aktres ngayong taong ito. Napabalita din na may ibang lalake ang aktres na nagngangalang Martin Castro.
3. Coco Martin-Maja Salvador-Matteo Guidicelli - Umugong sa showbizlandia ang suntukang naganap sa pagitan nina Coco Martin at Matteo Guidicelli nang matapos ang taunang Star Magic Ball noong September 3.  Ayon sa mga balita tinangka daw halikan ni Coco Martin si Maja Salvador noong gabing iyon na kinagalit naman ng boyfriend ni Maja na si Matteo Guidicelli. Isang araw matapos ang insidente, inamin ni Maja Salvador sa programang “The Buzz” na siya nga ang dahilan ng pag-aaway nina Coco at Matteo. Kasabay din nito ang pag-amin niya na magkarelasyon na nga sila ni Matteo. Mabilis namang naayos ang pangyayaring ito matapos magkapatawaran ang dalawang aktor.
4. Eugene Domingo - Hindi maitatanggi na tuloy sa 2011 ang pag-arangkada ng career ni Eugene Domingo. Nagpapatunay dito ang siyam na pelikula na kinabilangan niya ngayong taong ito. Kasama pa dito ang mga awards niyang natanggap mula sa FAMAS, Cinemalaya at MMFF. Si Eugene ang nagpapatunay ang talento at dedikasyon ang susi ng tagumpay ng isang artista.
5. John Lloyd Cruz-Shaina Magdayao-Ruffa Gutierrez - Sinong makakalimot sa pang-aaway diumano ni Shaina kay Ruffa dahil kay John Lloyd. Nagsimula ang lahat sa birthday concert ni Vina Morales kung saan nakatanggap diumano ng text si Ruffa mula kay Shaina na nagsasabing “shut up” na ang ibig sabihin ay tigilan na sila ni John Lloyd. Lumabas din ang haka-haka na hiwalay na ang magkarelasyong sina Shaina at John Lloyd. Sa huli naman ay nilinaw ng dalawa ang isyu na hindi si Ruffa ang dahilan ng problema sa kanilang relasyon.
6. DJ Mo Twister at Rhian Ramos - Naging masalimuot ang paghihiwalay ng dalawang artista. Nauna na dito ang pakikipagbreak daw ni Rhian sa Twitter kung saan nagpalitan pa ng mga salita ang dalawa. Lalo pa itong naging masalimuot kung saan lumabas ang isang video ni Mo Twister na kung saan makikitang nag-iiyak ang TV Host dahil sa diumanong nakatakdang pagpapalaglag ni Rhian sa kanilang sanggol noong 2010 sa Singapore. Sinundan pa ito ng isang video kung saan makikitang nagkukulitan at naghahalikan ang dalawa. Itinanggi ni Mo na siya ang nag-upload ng mga videos. Ipinabili na daw niya ang kanyang laptop at binura ang mga files nito bago niya ipagbili. Pero may mga nagsasabing si Mo mismo ang nag-uupload ng mga videos upang sirain ang reputasyon ng aktres. Sa kasalukuyan ay sa New York na naninirahan si Mo Twister habang si Rhian ay nagpahinga muna sa showbiz dahil sa “trauma” na idinulot ng pangyayaring ito.
7. Nora Aunor - Sinalubong ng madaming fans ang pagbabalik sa Pilipinas ng tinaguriang Superstar ng pelikulang Pilipino na si Nora Aunor. Agad ding pumirma ng kontrata sa TV5 ang batikang aktres. Nagkaroon ng teleserye si Ate Guy sa kapatid network na pinamagatang “Sa Ngalan ng Ina.” Kabi-kabila din ang pangtanggap ni Nora ng mga awards mula sa iba’t ibang award-giving bodies sa bansa. Kabilang dito ang mga awards na nagmula sa PMCP Star Awards, Cinemanila at Cinema One.
8. Pilar Pilapil - April 14, 2011 nang matagpuan ng isang tricycle driver ang duguang katawan ng beteranang aktres at beauty queen na si Pilar Pilapil sa isang madamong lugar sa Antipolo City. Ayon sa imbestigasyon, sinasabing nacarjack ang sasakyan ng biktima at itinapon ito sa nasabing lugar matapos saksakin ng pitong beses. Sa kasalukuyan ay maayos na ang kalagayan ng aktres at patuloy pa din ang imbestigasyon sa nangyaring krimen.
9. Shalani Soledad - Isa sa “most searched celebrities” si Shalani sa internet. Patuloy pa din ang paghohost ni Shalani sa “Wil Time Big Time.” Madami na ding nanggagaya sa hosting style n’ya. Lalo pang naging matunog ang pangalan n’ya nang isapubliko ang engagement nila ni Pasig City Congressman Roman Romulo na nakatakdang ikasal ngayong Enero.
10. Vice Ganda - Lalo pang sumikat si Vice Ganda sa taong 2011. Inilabas din niya ang kaniyang kauna-unahang studio album na may pamagat na “Vice Ganda: Lakas Tama”. Nasundan pa ito ng isang TV show, ang “Gandang Gabi Vice” na nasundan pa ng isang box office movie na “Praybeyt Benjamin.”
11. Willie Revillame - Naging kontrobersyal na naman si Willie sa taong 2011. Matapos ng isang insidente sa dati niyang show na “Willing Willie” kung saan isang anim na taong gulang na bata na nagngangalang Jan-Jan ang sumayaw ng animo’y macho dancer sa niyang pacontest. Madaming nakapanood ng video sa YouTube kaya naman sunod-sunod ang bumatikos kay Willie at sa kanyang programa. Nasundan ito ang pagpuna ng DSWD at CHR. Madaming advertisers ang nagpull-out sa show. Nawala ang show ng ilang linggo sa ere at pinalitan ito ng “Wil Time Big Time.”
12. Piolo Pascual & KC Concepcion - Ilang linggong umuugong ang haka-haka na hiwalay na daw sina Piolo at KC. November 27, tinapos na ni KC ang mga espekulasyon at inamin na niya sa palabas na “The Buzz” na hiwalay na nga sila ni Piolo. Naging kaabang-abang ang sinasabing tell-all interview niya kay Boy Abunda. Isang madamdamin at umiiyak na KC ang humarap sa publiko upang kumpirmahin na tapos na nga ang kanilang relasyon. Matapos ang interview ay madami pang tanong ang hindi nasagot at mas madami pang bulungan ang narinig.  Naungkat na naman ang mga tanong tungkol sa sekswalidad ni Piolo at kung ano ba talaga ang dahilan ng kanilang paghihiwalay na hindi tuwirang inamin ni KC. Hanggang ngayon ay usap-usapan pa din sa Twitter at Facebook ang isyung ito at naging tampulan ng mga jokes at internet bullying si Piolo Pascual.

Pulitika

Gaya pa din noong mga nakaraang taon, mainit pa din ang pulitika sa bansa. Kaliwa’t kanan ang bangayan ng bawat partido at pulitiko. Gayunpaman, nanatiling buhay ang pag-asa ng mga Pinoy para sa mas maliwanag na bukas para sa bansa.

1. Elena Bautista-Horn - Bukod sa pagiging spokesperson ni dating Pangulong Gloria Macapagal-Arroyo, si Elena Bautista-Horn ay masugid na tagapagtanggol nito. Sabi nga nila, siya ang humaharang sa mga sibat na ibinabato kay GMA. Sabi naman ng iba, siya ay isang tuta na sa mahabang panahon ay patuloy pa din ang pagkuha ng gatas mula sa kaniyang ina. Kahit ano man ang sabihin nila tungkol kay Bb. Bautista, para sa akin ay isa siyang matapat na kaibigan na handang ialay ang buhay para sa isang kaibigan.
   

   Sec. Leila de Lima

2. Heidi Mendoza - Sa isang bansang pinamumugaran ng mga taong walang ibang iniisip kundi nakawin ang pera ng taumbayan, may isang Heidi Mendoza na lumabas upang isumbalat sa publiko ang lahat ng ito. Si Heidi ang nagsiwalat sa publiko ng diumanao’y kurapsiyon na naganap sa Sandatahang Lakas ng Pilipinas. Hindi niya inalintana ang magiging kapalit nito sa kaniyang buhay sa paghahangad na matigil na ang ganitong kalakaran. Dahil dito, ibinalik siya ng ating Pangulo sa paninilbihan sa pamahalaan bilang commissioner ng Commission on Audit.
3. Miguel Zubiri - Dahil sa kabi-kabilang pag-aakusa sa kanya na sangkot siya sa dayaan sa halalang naganap noong 2007 at isa siya sa mga nakinabang dito, nagbitiw sa kaniyang pwesto bilang senador si Miguel Zubiri upang pangalagaan ang kaniyang pangalan. Madaming pumuri sa hakbang na ito na ginawa ni Zubiri.
4. Overseas Filipino Workers - Hindi pa din matatawaran ang tulong na ibinibigay ng tinaguriang mga “bagong bayani” para sa ating bayan. Sa kabila ng mga kalamidad at kaguluhang pulitikal na naganap sa ibang bansa noong nakaraang taon, nanatili pa ding matapang at matatag ang mga Overseas Filipino Workers.
5. Pangulong Noynoy Aquino - Ang patuloy na paglaban ni Pangulong Aquino sa kurapsiyon at pag-aakay sa mga Pinoy patungo sa “tuwid na daan” ang dahilan kung bakit hanggang ngayon ay mataas pa din ang rating niya sa sa mga suveys. Kasama na din dito ang hindi niya pagtigil na pag-aakusa ng kurapsiyon sa dating Pangulong Gloria Macapagal-Arroyo. Tulad ng dati, madami pa din bumatikos kay PNoy. Kabilang dito ang pagpaparty daw ng Pangulo kasama sa Christmas Party ng PSG sa kalagitnaan ng pangyayaring nagaganap sa Mindanao kung saan madaming kababayan natin ang namatay. Gayundin ang hindi maiwasang paghahalo ng personal na buhay sa kaniyang trabaho. Sa kabila ng lahat, patuloy pa din ang paglaban na ginagawa ng ating Pangulo para labanan ang katiwalian sa pamahalaan.
6. Chief Justice Renato Corona - Simula’t simula pa lamang ng panunungkulan ni PNoy ay binabatikos na niya ang sinasabing “midnight” appointment na ginawa sa kanya ni GMA. Noong una ay tahimik lamang si CJ Corono, subalit nang umusad na ang kasaong impeachment laban sa kanya, lumabanan na ang Punong Mahistrado ng Korte Suprema. Sa pagbubukas ng Senado ngayon Enero ay didinggin na ang kauna-unahang impeachment trial laban sa isang Chief Justice sa Pilipinas.
7. Gloria Macapagal-Arroyo - Ang taong 2011 ay batbat ng pagsubok para sa dating pangulo. Nariyan ang pag-aakusa sa kaniya ng pandaraya sa nakaraang halalan. Gayundin ang ilang akusasyon ng katiwalian. Sinabayan pa ito ng iba’t ibang sakit na dumapo sa kanya. Tinangka ni GMA na magpagamot sa ibang bansa subalit naging bigo siya. Pilit na hinarangng pamahalaan ang tangka diumanong niyang pagtakas sa mga kasong kinakaharap niya. Sa kasalukuyan ay nakahospital arrest ang pangulo at patuloy pa din ang pagsasamba ng kaso laban sa kanya.
8. Leila de Lima - Siya na nga ang pinakatanyag na miyembro ng gabinete ni Pangulong Aquino. Tinagurian din siyang “a lady with balls” dahil sa matapang niyang paninindigan. Hinaharap niya sa kasalukuyan ang kasong disbarment at contempt dahil sa diumano’y pagsaway niya sa kautusan ng Korte Suprema na payagang magpaggamot sa ibang bansa ang dating Pangulong Arroyo na mariin namang itinanggi ni De Lima.

Sports

Ang pagsikat ng Philippine Azkals, ang pagwawagi ng Dragon Boat Team at ang patuloy na pamamayagpag ni Manny Pacquiao ang nagpatingkad sa sports sa Pilipinas. Maraming nagwagi at marami ding nabigo. Sa kabila nang lahat, nanatili pa din ang pagkahilig ng Pinoy sa sports.

1. Manny Pacquiao - Si Manny pa din ang idolo ng lahat ng hindi lamang mga kapwa niya boksingero kundi pati na din ang iba pang mga manlalaro sa bansa. Siya pa din ang pinakatanyag na boksingero sa buong mundo at napanatili niya ang kaniyang pwesto bilang “#1 Pound-for-Pound Boxer in the World.” Dalawang boksingero ang tinalo ni Manny ngayong taon. Ang una ay si Shane Mosley noong Mayo na sinundan ni Juan Manuel Marquez sa napakakontrobersiyal nilang laban noong Nobyembre.
   

   Philippine Azkals

2. Philippine Dragon Boat Team - Sa kabila ng kawalan ng suporta mula sa gobyerno at hindi pagkilala ng Philippine Olympic Committee, nanguna pa din ang Philippine Dragon Boat Team 10th International Dragon Boat Federation World Championships na ginanap sa Tampa Bay, Florida noong Agosto. Limang ginto at dalawang pilak ang nakamit ng PDBT sa nasabing kampeonato.
3. Philippine Volcanoes - Biglang sumikat ang sport na Rugby sa Pilipinas matapos lumabas ang Philippine Volcanoes, ang pambansang rugby union team ng ating bansa. Ilang mga kampeonato ang napagwagian ng Volcanoes at tinanghal din sila na isa sa pinakamagaling sa Asya. Bukod dito, naging kontrobersiyal ang PRFU dahil sa naglalakihan nilang billboards sa EDSA kung saan nakasuot lamang sila ng briefs.
4. Smart Gilas - Dahil sa patuloy na pagwawagi ng Smart Gilas, umakyat ito ng walong pwesto sa world rankings. Nakuha din nila ang ikaapat na pwest sa FIBA Asia Championships matapos itong matalo ng South Korea. At sa taong 2012, madami pa daw dapat abangan para sa Smart Gilas Team.
5. Philippine Azkals - Patuloy pa din ang pagsikat ng Philippine Azkals. Isa din sila sa top searches sa yahoo noong 2011. Di man nila nakuha ang kanilang paghahangad na mapabilang sa 2014 World Cup umaasa pa din sila na mapabilang sa 2015 Asian Cup. Kabi-kabila din ang mga endorsements na nakukuha ng mga miyembro ng Azkals.

Pagpanaw

Balikan natin ang mga Pinoy na hindi makakalimutan ang pagpanaw sa taong 2011. Ang karamihan ay hindi inaasahan at sa kasalukuyan at batbat pa din ng kontrobersya.

1. AJ Perez - April 17 noon, Easter Sunday, nang magluksa ang mundo ng showbiz sa biglaang pagpanaw ng batang aktor na si AJ Perez o Antonello Joseph Perez. Pauwi na sana noon si AJ kasama ang kanyang ama, road manager, driver at event marshal mula sa isang show sa Dagupan Bangus Festival. Natutulog noon ang aktor nang sumalpok ang kanilang sasakyan sa isang Partas bus. Nagtamo ng madaming sugat sa bahaging ulo ang aktor at agad na binawian ng buhay. Nakaligtas ang lahat ng kanyang kasama.
   

   Ramgen Revilla

2. Angelo Reyes - Umaga ng February 8, binisita ni dating Secretary Angelo Reyes, kasama ng kanyang dalawang anak, ang puntod ng kaniyang ina sa Loyola Memorial Park sa Marikina. Pinauna niya ang kanyang mga anak upang maghintay na lang muna sa kanilang sasakyan. Matapos nito ay binaril niya ang ang bahaging kaliwa ng kanyang dibdib. Isinugod siya sa Quirino Memorial Medical Center subalit idineklara nang pumanaw. Ginawa niya ito matapos ang pag-aakusa sa kanya ng kurapsyon noong panahong nanunungkulan siya sa Sandatahang Lakas ng Pilipinas.
3. Tyron Perez - December 29, nang matagpuang walang buhay ang aktor na si Tyron Perez o Jojo Perez sa totoong buhay sa loob ng kaniyang kotse na nakaparada sa Ugong, Valenzuela City. Ang pagkalulong diumano ng aktor sa sugal ang tinuturong dahilan ng kanyang pagpapakamatay. May nagsasabi din na matagal nang may problema si Tyron at ang kanyang asawa.
4. Ramgen Revilla - Isang masalimoot na pangyayari ang naganap ng paslangin ang batang aktor na si Ramgen Revilla sa loob mismo ng kanyang tahanan sa Parañaque noong October 29, 2011. Lalo pa itong naging masalimoot matapos maging suspect sa pagpaslang ang mga kapatid ng biktima maging ang kanilang ina. Parang isang mahabang pelikula ang pangyayaring ito. Lumabas ng bansa ang kapatid nitong si Ramona upang takasan ang kaso. Napakarami na din pangalan at personalidad ang lumabas sa kasong ito. Isang sex video din sa pagitan ni Ramgen at kasintahan nitong si Janelle Manahan ang lumabas kamakailan sa internet. Marahil ay magiging mahaba at masalimoot pa ang kasong ito.

Masasabing makulay ang taong 2011. Masasabi din may mga sandaling nabalot ito ng dilim. Pero sa pangkalahatan ay muli itong nagbigay ng pag-asa sa bawat isang Pinoy na isang magandang bagong taon ang masisilayan.

Paghandaan ang 2012!

Itinanghal na Miss World 2011 ang kinatawan ng Venezuela na si Ivian Sarcos sa kakatapos lamang ng Miss World 2011 na ginanap sa London sa basang Inglatera. Nakuha naman ng ating pambato na si Gwendoline Ruais ang ikalawang pwesto at si Amanda Vilanova naman ng Puerto Rico ang nakakuha ng ikatlong pwesto.

Madaming mga Pinoy dumumog sa Earls Court Two para suportahan si Gwendoline. Isa sa pinakamalakas na hiyawan ang maririnig mo sa tuwing tatawagin ang Philippines.

Hindi ko napanood ng live ang Miss World dahil bukod sa ala-una ng umaga ito sa Pilipinas ay wala akong internet connection kagabi. (Calling Digetel) Hindi ko din napost ang aking Top Choices. Kaya dito ko na lamang ito ipopost.

Sa aking Top Choices, 20 ang nakapasok sa Top 30. At sa Top 15 naman ay 12 ang kasama sa aking Top Choices.

Sina Misses England (na sa palagay ko ay ang pinakamaganda sa taong ito), Korea, Scotland at South Africa ang bumubuo sa Top 7. At sina Misses Indonesia, Italy, Kazakhstan, Spain, Sweden, Ukriane, US Virgin Islands at Zimbabwe ang kumukumpleto sa Top 15.

Ang mga sumusunod ang hinirang na Continental Queens of Beauty:

Asia & Pacific – Philippines

Africa – South Africa

Americas – Venezuela

Caribbean – Puerto Rico

Europe – England

Ang mga sumusunod naman ang mga nagwagi sa fast track competitions:

Beach Beauty – England

Top Model – Kazakhstan

Sports – Dominican Republic

Talent – Chile

Beauty with a Purpose – Ghana & Indonesia

Hindi katulad noong mga nakaraang taon na ang mga kandidatang nagwagi sa mga fast track competitions ay awtomatikong pasok sa Semifinals. Ngayong taong ito ang mga Fast Track winners ay bibigyan lamang ng points sa scoreboard na pinakikita sa ilang bahagi ng kumpetitisyon.

Ito ang ikaanim na Miss World title ng Venezuela na huling nanalo noong 1995. Ito naman ang pinakamataas na pwesto na nakamit ng Pilipinas sa Miss World na katumbas din ng pagkapanalo ni Evangeline Pascual ng 1st Runner-up noong 1973.

Dianne Necio at Miss International 2011

Kaya naman masayang-masaya na naman ang mga beauty pageant enthusiast dito sa Pilipinas sa panibagong karangalang nakamit ng Pilipinas. Marahil ito na ang pagbabalik ng ating bansa sa powerhouse status sa mga beauty pageants. Kagabi ay nakasama din ang kinatawan nating si Dianne Necio sa Top 15 ng Miss International.

Inaasahan na sa susunod na taon, ay lalong dadami ang mga magagandang kababaihan na sasali sa Bb. Pilipinas at Miss World Philippines. At nawa sa 2012 ay makamit ng Pilipinas ang titulo ng Miss Universe, Miss World, Miss International at Miss Earth.

Binabati din ng sambayan ang bagong National Director ng Miss World sa Pilipinas na si Bb. Cory Quirino sa panibagong karangalang ito na nakamit ng Pilipinas. Nawa ay matupad niya ang minimithi ng Miss World Philippines na “Beauty in Giving.”

‎To be Miss World is my dream job, and I say job because it has a lot of responsibilities but there’s nothing I love more than communicating with other people. As Miss World you get to use your potential and your voice to help people all around the world, and what is more wonderful than doing what you love by helping others.

-Gwendoline Ruais, Miss World 2011 First Runner-up

Congratulations Gwen!

Itinanghal na Miss Universe 2011 si Leila Lopes ng Angola sa pagtatapos ng Miss Universe 2011 na ginanap sa Sao Paulo, Brazil. Sinundan siya ng pambato ng Ukraine na si Olesya Stefanko. Sumunod naman si Priscila Machado ng Brazil. 3rd runner up naman ang ating pambato na si Shamcey Supsup. Nasa huling pwesto naman ang kinatawan ng China na si Zillin Luo.

Gaya ng inaasahan ay naging makulay at masaya ang ikaanimnapung pagtatanghal ng Miss Universe. Ipinakita din ang ganda at yaman ng Sao Paulo.

Sa pagatawag pa lamang ng labing-anim na semifinalists ay pigil na pigil na ang hininga ko. Pumasok ang labing-dalawa sa aking Top Choices. Dalawa naman ang pumasok mula sa aking Potential Semifinalists at isa naman sa aking Surprises. Ang hindi ko lamang ineexpect na papasok sa semifinal round ay si Afërdita Dreshaj ng Kosovo.

Hindi pinakita ang score ng mga judges bagkos ay ang fan ranking mula sa milyon-milyong nanonood ng Miss Universe sa buong mundo. Nanguna sa fan ranking sa Swimsuit Competition si Venezuela na sinundan ni Miss Philippines.

Kahit nanguna sa fan ranking, hindi naman nakapasok ang Venezuela sa Top 10. Nakapasok pa din sa Evening Gown Competition ang binoto ng fans na si Miss Portugal. Nanguna naman sa fan ranking sa Evening Gown si Angola na sinundan muli ng Pilipinas.

Ang pagpili ng Final 5 contestans ang talagang nagpatigil ng puso ko. Unang tinawag si Ukraine sumunod ang Pilipinas na sinundan ng Brazil, China at Angola. Silang lima ang sumalang sa kinatatakutang tanong ng mga judges.

Naging paborito ng audience si Angola. Marahil na din pareho ng wika ang dalawang bansang ito. At sa huli nga ay siya ang tinanghal na Miss Universe 2011.

Nagbunyi din ang madaming Pinoy sa pagkakamit ni Shamcey ng ikaapat na pwesto. Nag-aababg na ang kanyang mga kababayan sa kanyang pagbabalik.

Ang sumusunod ay kumpletong listahan ng mga pinarangalan sa Miss Universe ng taong ito:

Miss Universe 2011
Angola – Leila Lopes

1st runner-up
Ukraine – Olesya Stefanko

2nd runner-up
Brazil – Priscila Machado

3rd runner-up
Philippines – Shamcey Supsup

4th runner-up
China – Zilin Luo

Top 10
Australia – Scherri-Lee Biggs
Costa Rica – Johanna Solano
France – Laury Thilleman
Portugal – Laura Gonçalves
Panama – Sheldry Sáez

Top 16
Kosovo – Afërdita Dreshaj
Colombia – Catalina Robayo
Puerto Rico – Viviana Ortiz
Netherlands – Kelly Weekers
USA – Alyssa Campanella
Venezuela – Vanessa Gonçalves

Congrats Leila! Mabuhay ka Shamcey!

Note: this is the first blog that I wrote and posted thru my iPad.

Thanks to missosology.org for the pictures.

Kaunting oras na lamang at mapapanood na muli natin ang pinakahihintay na beauty pageant ng mga Pinoy – ang Miss Universe 2011. Kaya naman hindi ko palalampasin ang pagkakataon na magsulat ng blog tungkol dito.

Sao Paulo, Brazil sa South America ang napiling pagdausan ng edisyong ito ng Miss Universe. Kaya naman expected na makulay at masaya ang edisyong ito dahil ang bansang ito ang tahanan ng Samba at Carnivale.

Handang-handa na ng walumpu’t siyam na kandidata, ang pinakarami sa kasaysayan ng Miss Universe, bukas sa pakikipaglaban para maging ika-animnapung Miss Universe.

Gaya ng nakagawian ito ang Top Choices ng siFRANZayPINOY:

MISS UNIVERSE 2011: USA – Alyssa Campanella

Score: 9.84

Miss Universe ang isinisigaw ni Alyssa. Sa bansa kung saan nagmula ang Miss Universe, sabik-sabik na silang makakakita muli ng isang Amerikana na koronahan bilang Miss Universe. Halatang pinaghandaang mabuti ni Alyssa ang Miss Universe 2011. Mula sa pagpapaganda ng katawan hanggang make-up at styling hanggang sa paglalakad at pananamit ay perfect na naipresenta ni Alyssa noong preliminaries. Hindi ako naniniwala na ang pagiging “too skinny” n’ya ngayon ang magiging balakid sa kanya para makatuntong sa Top 5. Sa tingin ko ay bagay naman sa kanya ito dahil ito ay nagpapatunay lamang na kaya niyang disiplinahin ang kanyang sarili.

1st Runner-up: Venezuela – Vanessa Goncalves

Score: 9.82

Sa pagkakait sa kanila ng placement noong nakaraang taon, handang-handa na si Vanessa na maghiganti. Sa preliminaries pa lamang ay obvious na hindi na papayag ang Venezuela na hindi muling makasama sa semifinalist. Stage presence ang magdadala kay Vanessa sa pagsusuot ng korona ng Miss Universe gayundin ang tilian ng madami niyang taga-suporta.

2nd Runner-up: Philippines – Shamcey Supsup

Score: 9.80

I must admit. Hindi s’ya ang favorite ko sa Bb. Pilipinas. Feeling ko kasi masyadong mahilig si Madam Stella sa mga matatalinong kandidata. Yung tipong mga Cum Laude, genius, topnotcher etc. na karaniwan namang hindi napapansin sa Miss Universe. Para kasi sa akin pinaka-angkop si MJ Lastimosa para sa Miss Universe.  Pero nitong mga nakaraang linggo, pinatuyan sa akin ni Shamcey at sa milyong Pilipinong mahilig sa beauty pageant na kaya niyang makipagsabayan sa mga Latina. Kahit walang experience sa beauty pageant at modelling itong si Shamcey, pinakita niya sa preliminaries na para na siyang eksperto dito. Kaya hindi na ako magtataka na malampasan pa niya ang nakamit ni Venus noong isang taon o di kaya ay siya na ang mag-uuwi ng ikatlong Miss Universe crown para sa Pilipinas. Hindi na ako makapaghintay na makita muli ang kanyang signature “Tsunami Catwalk” bukas.

3rd Runner-up: Greece - Iliana Papageorgiou

Score: 9.79

Marahil totoo nga na sa Greece nagmula ang mga diyosa. Si Iliana ang nagpapatunay dito. Matapos ang ilang taong paghihintay natin sa mga tunay na diyosa sa Greece, ito na si Iliana. Hindi lamang diyosa, siya din ang Top Model sa taong ito. Ang aura niya na parang isang model ang maghahatid sa kanya sa korona.

4th Runner-up: Miss Malaysia – Deborah Priya Henry

Score: 9.72

Siya na nga ba ang magtatanggal sa ilang taong sumpa sa Malaysia na isang beses pa lamang napasama sa semifinalist sa Miss Universe? Kung hindi man siya marahil may sumpa na nga ang Malaysia sa Miss Universe. Sa ganda, talino at galing si catwalk ni Deborah, hindi maaaring kaligtaan siya ngayong taong ito. Ilang beauty pageant websites na din ang nagdeclare na paborito nila si Deborah. Ang maaaring balakid lamang ay ang kanyang edad at hindi gaanong itsurang Malaysian. Ang kailangan lamang niya ay ang pag-eenjoy sa buong mangyayari bukas at ang deretsong sagot sa tanong kung sakaling makasama nga siya sa top 5.

TOP 6-16

6. France - Laury Thilleman

Score: 9.70

Napakafresh ng aura ni Laury. Kaya naman gustong-gusto ko di s’yang nakikita sa screen. Hindi na naman nagkamali ang Frace sa pagpili ng ipapadala nila sa Miss Universe.

7. Puerto Rico – Viviana Ortiz

Score: 9.42

Hindi din pwedeng kaligtaan si Viviana sa semifinal round. Latina ba? Siya na yun! Siya na talaga! Confident sa catwalk. Huwag lang sanang maging overconfident.

8. Australia - Scherri-Lee Biggs

Score: 9.26

Maganda at charming itong si Scherri. Ang problema lamang ay hindi siya masyadong consistent sa mga pictures niya. Pero noong preliminaries nilabas naman niya ang kanyang bubbly personality na malamang magdala sa kanya sa semifinal round.

9. China - Luo Zilin

Score: 9.17

Wow legs! Pati na ata si Melani Marquez maiinggit sa legs ni Luo. Matangkad at magaling sa catwalk…yan ang panlaban niya. Huwag na lamang siyang magpakatrying-hard mag-English.

10. Colombia - Catalina Robayo

Score: 9.07

Kilala ang Colombia sa pagpoproduce ng mga magagandang kandidata sa Miss Universe na talaga namang napapasama din sa semifinalist. Kakaiba ang kanyang evening gown na naging paborito ng madami subalit hindi ko naman nagustuhan. Medyo naging pasaway din itong si Catalina kung kaya’t hindi na s’ya nakasama sa mga paborito ng ilang mga beauty pageant websites. Tingnan na lamang natin kung pati ang Miss Universe Organization ay tatalikod din sa kaniya.

11. Peru - Natalie Vértiz

Score: 9.03

Isa sa katawan at mukha ng kumpetisyon sa taong itong ito. Makapasok man lang siya sa semifinal round baka tumuloy hanggang sa final round.

12. Costa Rica - Johanna Solano

Score: 8.99

Siya na, para sa akin, ang pinakamagandang kinatawan ng Costa Rica sa kasaysayan ng Miss Universe. Ang problema lamang ay nagmumukha siyang maliit sa mga pictures at screen at ang kanyang gown noong preliminaries. Pero umaasa pa din ako na papasok siya sa semifinals.

13. Angola – Leila Lopes

Score: 8.95

Ang “black doll” ng kompetisyon. Napakasweet ng dating niya noong preliminaries kaya naman hindi ako magtataka kung makasama siya sa semifinals.

14. Brazil - Priscilla Machado

Score: 8.93

Hanga pa din ako sa katatagan ni Priscila. Sa kabila ng mga kontrobersiya at mga kababayan niyang hindi sumusuporta sa kanya, nanatiling matatag si Priscila. Maaaninag ang kaunting pagkabahala sa kanyang mukha noong preliminaries, pero nadala pa din niyang maayos at maganda ang kaniyang sarili.

15. Netherlands – Kelly Weekers

Score: 8.92

Hindi din dapat kalimutan si Kelly sa semifinals. Napakanatural niya at magandang tingnan sa stage. Ang problema ko lamang ay ang itsura ng kaniyang gown na hindi ko talaga nagustuhan.

16. Russia - Natalia Gantimurov

Score: 8.91

Madami atang beauty pageant aficionados ang nakalimot kay Natalia. Pero gustong-gusto ko naman ang kanyang pinakita sa swimsuit competition noong preliminaries. Hindi nga lamang masyadong maganda ang kanyang evening gown. Pero para sa akin, she still deserves a spot in the semifinals.

Potential Semifinalists: Mauritius, Trinidad & Tobago, Finland, Japan, Korea, Nicaragua, Mexico, Ghana, Panama, and Ukraine.

Surprises: Argentina, Israel, Portugal, Dominican Republic, Belgium, Czech Republic, Sweden, Albania

Mahirap pumili ng mga paborito ngayong taong ito. Nireview ko pa ang preliminaries at gumawa ng sariling score para lamang magawa ko ito. Katulad din ng napakaraming tagasubaybay ng pageant na ito, sobrang excited na akong tunghayan ang Miss Universe 2011.

Good luck sa mga kababaihan ng Universe!

Photos taken from:

www.globalbeauties.com

www.missosology.org

Bb. Pilipinas

Ilang oras na lamang at matatapos na ang ating pananabik na masilayan kung sino ang susunod na kokoranahang mga reyna sa Binibining Pilipinas 2011. Marahil sa mga oras na ito ay matindi na ang kaba ng apatnapung mga kandidata na magpapaligsahan para sa mga korona ng Bb. Pilipinas-Universe, Bb. Pilipinas-International at Bb. Pilipinas-Tourism Queen International.

Sabik na din akong muling mapanood ang Bb. Pilipinas sa ABS-CBN. Hindi na ako makapaghintay na mapanood ang paghohost nina KC Concepcion, Derek Ramsay, Miriam Quiambao at Precious Lara Quigaman.

At kagaya ng aking nakagawian ko isang araw bago ang pageant, ipopost ko ang aking Top Choices. Ito ang para sa Bb. Pilipinas 2011:

1. MJ Lastimosa – si MJ, para sa aking ang may pinakamagandang katawan ngayong taong ito. At alam naman natin na ang ganitong mga katawan ang bagay sa Miss Universe.

2. Patricia Tumulak – para sa akin, siya ang kandidatang pinakahanda sa taong ito. Mula pagrampa suot ang swimsuit, evening gowns at national costume haggang sa mga pictorial, parang maning-mani ito para kay Patricia.

3. Dianne Necio - ang korona para sa Miss International ang nababagay para kay Dianne. Kung noong isang taon, 1st runner-up s’ya. Nararamdaman kong ngayon, mapapasakaniya ang isa sa mga korona. Sana lang tama ang pakiramdam ko.

4-10: Shamcey Supsup, Glennifer Perido, Diana Arevalo, Arabella Hanesh, Sabrinne Al-Tawil, Chloe McCulley, Sarah Clenci

Potentials: Camille Baltazar, Isabella Manjon, Queeni Rehman, Monique Manuel, Kath Subijano

Inaasahan kong magiging maganda, maayos at makabago ang Coronation Night ng Bb. Pilipinas. Kung ‘yung iba naghihintay ng mga maling pagsagot at mga pagdapa, para sa akin ayoko ng makita ‘yun. Alam ko na lahat ng mga kandidata ngayong taong ito ay naghanda kaya naman alam kong mahihirapan ang mga judges bukas.

Good luck mga binibini!

]]> http://sifranzaypinoy.wordpress.com/2011/04/10/bb-pilipinas-2011-top-choices/feed/ 0 siFRANZayPINOY Bb. Pilipinas TOP CHOICES http://sifranzaypinoy.wordpress.com/2011/04/08/ang-pagbabalik-sa-dating-tambayan/ http://sifranzaypinoy.wordpress.com/2011/04/08/ang-pagbabalik-sa-dating-tambayan/#comments Fri, 08 Apr 2011 15:53:36 +0000 siFRANZayPINOY http://sifranzaypinoy.wordpress.com/?p=1306 ]]> “Hangga’t may buhay pa, hindi dapat tumigil ang pagkakamit sa pangarap”

UPLB

Alas dos ng hapon ngayon, nagpaalam ako sa aking boss para pumunta sa dati kong tambayan. Napakabait ng aking boos sapagkat pinayagan niya akong umalis ng trabaho para bumalik dito. Halos anim na taon na akong hindi nakakabalik dito. Habang nakasakay sa jeep ay naramdaman ko ang magkahalong kaba, saya at pananabik na makita itong muli. 

Nagpaplano kasi akong kumuha ng ng Master of Public Affairs sa UPLB. Madami akong pinagpiliang school at course na related sa Public Administration or Public Management. Pero napagdesisyunan kong bumalik sa UPLB…sa aking tambayan.

Masyadong mahaba ang biyahe kahit na katabing bayan lamang ang aking destinasyon. Isang mahabang traffic na araw-araw kong binubuno ang sumalubong sa akin na waring hinahandlangan ang aking pagbabalik. Sobrang tirik ang araw kanina. Nakasuot pa naman ako ng t-shirt na may 3/4 na sleeves na may design na Oscar the Grouch. Hanggang sa pagsusulat nito ay nararamdaman ko pa ang hapdi sa aking balat na wari atang nasunburn ako.

Kinausap ko pa ang ilan kong kaibigan at kakilala dahil baka iba na ang mga byahe ng sasakyan doon. Hindi pa naman ako street smart. Kung nasa Maynila ako, malamang sumakay na ako ng taxi para ihatid ako sa mismong lugar na aking pupuntahan.

Hindi ako nagtapos ng kolehiyo sa UPLB. Pero karamihan sa mga barkada ko noong high school maging ang aking pinakamatalik na kaibigan ay dito nag-aral. Kaya ito ang nagsilbi kong tambayan noong college. Napakalayo nito sa aking school noong college. Pero merong isang linggo na mas marami pang araw ang binuno sa UPLB kaysa sa aking sariling paaralan.

Madaming nangyari sa akin dito sa UPLB. Lahat ng kalokohan. Lahat ng iyakan. Lahat ng inuman. At kung ano-ano pa. Dito lahat nangyari sa UPLB. Malaki ang paghahangad ko na pumasok dito. Subalit sa hindi na sasabihing dahilan ay hindi ako nakapasok dito. Kaya naman para maramdaman ko na UPLB student ako, kahit hindi, lagi akong sumasama sa mga barkada sa mga klase nila, sa lahat ng events nila, at sa lahat ng lakad nila. Kilala pa nga ako ng mga classmates nila hanggang ngayon eh.

Kanina habang nakasakay ako sa jeep papuntang College of Public Affairs sa Forestry, madaming alaala ang nanumbalik sa akin. Halos ata lahat ng gusali na makita ko may alaalang bumabalik sa akin. Medyo mabagal pa ang takbo ng jeep ni Manong Driver na para bang tinutour ako sa UPLB. Feeling ko tuloy gumagawa ako ng MTV kanina.

Wala namang masyadong nagbago. Ganoon pa din ang itsura n’ya. Hindi naman kasi ganoong katagal ang anim na taon.

At sana naman, matapos ang anim na taon ay regular akong makabalik muli sa UPLB. Hindi bilang tambay, kundi estudyante na. At alam kong sa pagkakataong ito, mararamdaman ko na talaga na isa akong estudyante ng UPLB. Mananalaytay na sa aking dugo ang dugo ng isang mag-aaral ng UPLB.

Kung mangyari man ito sa susunod na pasukan sa June. Hindi maaaring hindi ko ito ipost dito.

Sana lang makaabot ako sa deadline ng application sa April 30. Sana talaga magawa ko at walang problemang humadlang dito.

Lumabas ako ng UPLB na sakay sa kaparehong jeep na sinakyan ko papasok dito at pagtaas sa Forestry. Sana swerte sa akin si Manong Driver kahit hindi napuno ang jeep n’ya.

Sana matuloy na ang pagpasok ko sa UPLB.

Go! Go! Go!

Ilang tulog na lang at mapapanood na muli ang pinakaprestihiyosong pageant sa Pilipinas, ang Bb. Pilipinas. Sa ilang taong kong pagsubaybay sa pageant na ito, ito na ata ang pinakaraming bilang ng kandidata. Marahil ay madaming nag-audition dahil na din sa pagkapanalo ni Maria Venus Raj sa Miss Universe. Hindi lamang iyan ang kakaiba ngayong taong ito. Nawala na din ang Bb. Pilipinas-World sa isa mga mapapanalunan. May sarili nang patimpalak ang Miss World sa Pilipinas. At ito ay pangangasiwaan ni Cory Quirino. Sa taong ding ito ay hindi Marso kundi Abril gaganapin ang pageant at sa ABS-CBN na ito ipalalabas. Talagang pinaghandaan ang pageant ngayong taong ito.

Kahit masyado akong naging busy sa trabaho, halos araw-araw pa din akong nagbabasa ng mga blogs tungkol dito. Katulad noong mga nakaraang taon, hindi din nakaligtas sa kontrobersiya ang Bb. Pilipinas at ang mga kandidata ngayong taong ito. Hindi ko na iisa-isahin pa ang mga isyu tungkol sa mga tanggalan. Hindi ko lang alam kung pagkatapos ng pageant ngayong taong ito ay mayroon na naman magkakaproblema sa citizenship. Ano na naman kaya?

Madaming magaganda ngayong taong ito. Hanggang ngayon ay hirap pa din ako sa pagpili. Mayroon din naman mga kandidata na hindi man lang napapag-usapan. Yung tipong parang pamparami lang at para lamang makabuo ng 40 candidates.

Katulad noong isang taon, mayroon ding preliminary competition. Ilalabas ko na lamang ang aking Top Choices pagkatapos ng preliminary competition.

Sa puntong ito ang aking mga paborito ay sina Mary Jean Lastimosa, Patricia Tumulak, Shamcey Supsup, Chole McCulley at Glennifer Perido. Pero tingnan natin at baka umikot ang mundo pagkatapos ng preliminary pageant.

Ang mga sumusunod ay ang 40 candidates ng Bb. Pilipinas 2011:

Sobrang excited ako ngayong taong ito. Mas magiging mahaba ata ang airtime this year. Pero maganda sa tingin ko ang pagpapalabas ng ABS-CBN dahil na din siguro sa pagkuha ng GMA sa Miss World Philippines.

Good luck girls!

Hindi ko kayang palampasin ang isang buwan na wala akong naisusulat na post sa aking blog. Marami nakastock sa utak ko pero hindi ko naman maisula. Paumanhin po. Sobrang dami kong trabaho. Nakakahiya naman sa ating taumbayan kung hindi ko maibibigay sa kanila ang isangdaang bahagdan ng aking serbisyo. Pero bago ako matuloy ngayong gabi ay sinikap kong tapusin ang blog na ito para sa buwan ng February.

Sa aking pag-uwi mula sa trabaho, may nakasakay ako sa jeep na isang babae na may dalang sanggol. Sa itsura pa lamang ng babae ay mababanaag mo na bata pa sya. Marahil ay nasa edad na 20 pababa ang babae. Bukod sa kanyang sanggol ay madami pang dala ang babae. May dalawang bag, isang plastic namay lamang softdrinks at tsitsirya.

Nilalaro ng sanggol ang hindi pa bukas na tsitsirya. Bigla na lamang itong umiyak nang kinuha ng kanyang ina ang tsitsirya at binuksan. Marahil ay gutom na ang kanyang ina. Nagulat na lamang ako ng binigyan ng ina ang sanggol ng isang piraso ng tsitsirya at sinubo sa bata. Dahil wala pang ngipin ang bata ay sinisip na lamang niya ito. Mukhang epiktibo naman ang ginawa ng ina dahil tumigil sa pag-iyak ang kanyang sanggol.

Silang ang naging sentro ng mga mata ng mga pasahero sa jeep.

Hindi nagtagal ay umiyak na muli ang sanggol. Batid ng ina na nauuhaw na ang kaniyang anak. Akala ko ay ipapainom niya ang kanyang dalang softdrinks. Itinanong ng ina sa kanyang anak kung gustong dumede. Siyempre hindi naman sasagot ang sanggol. Akala ko ay may dalang bote ng dede ang ina. Iyon pala ay sa mismong dibdib niya manggagaling ang pamatid-uhaw ng sanggol.

Lalo siyang naging sentro ng paningin ng mga pasahero ng jeep. Ang ilan sa mga pasahero ay kilala ko na sa mukha dahil halos araw-araw ay kami-kami din ang magkakasabay sa jeep. Pati na ang seminarista kong katabi ay napapatingin na din sa ginagawang pagpapasuso ng ina. Hindi ko talaga alam kung seminarista siya. Pero sa tuwing nakakasay ko siya ay ganoon ang suot niya. ‘Yung parang suot ng mga seminarista.

Hindi ko na alam kung ano pa ang ginawa ng ina sa kanyang mga anak sa matapos noon. Sapagkat dinalaw na ako ng aking antok at nakatulog na ako. Hindi ko naman naririnig ang pag-iyak ng sanggol dahil nakaheadset ako.

Ang sa akin lamang, marahil alam naman ng ina na mali ang pinapakain niya sa kaniyang anak. Pero wala siyang magawa sa kagustuhan niyang mapatahan ang kaniyang anak. Hindi na rin niya alintana ang mga matang nakatangin sa kanya habang siya ay nagpapasuso sa kagustuhan niyang maging maginhawa ang pakiramdam ng kanyang sanggol.

Maraming kaso ng pag-aanak sa batang edad pa lamang dito sa ating bansa. At sanhi ito sa kakulangan ng pagbibigay ng edukasyon at pangaral ukol dito.

Hanggang ngayon, hindi ko pa din alam kung saan akong panig sa RH Bill. Sa pagkakaalam ko, isa akong mabuting Kristiyano, nagsisimba ako, nagdadasal at naniniwal sa Panginoon. Kasunod nito ay ang aking pagiging Pilipino at ang pagmamahal ko sa ating bansa. Mas matimbang ang aking pagiging Kristiyano. Pero para sa akin ay hindi na dapat makialam pa ang simbahan sa usaping pulitikal.

Naiinis ako sa misa kapag ang homiliya ng pari ay tungol sa mga usaping pulitikal. Minsan ay parang gusto ko nang lumabas. Sapagkat para sa akin, ako ay nagpunta sa simbahan upang makinig ng pangaral ng Diyos at hindi upang makigulo pa sa usaping pulitikal.

Para sa akin, kung ano ang makakatulog sa pagpapaulad ng kabuhayan ng mga tao, kung alin ang makakatulog sa pagpapaginhawa ng buhay ng bawat pamilyang Pilipino, at kung ano ang magbibigay ng pagkain sa hapag-kainan ng bawat isang Pilipino…doon ako panig.

At sa pagsapit ng buwan ng mga kababaihan, nawa ay magkaroon ng mga batas para sa pangangalaga at pagpapahalaga sa buhay ng isang ina at ang kanyang anak. Sila ang pinagpupunlaan ng bagong buhay, nagbibigay sa atin ng buhay at marahil sila mismo ay ang ating buhay.

Mahalin natin ang ating mga ina!

Oo..alam ko! Sobrang late ko na napublish ang post na ito. Naging busy ako trabaho…bagong trabaho! Hindi na ako isang Human Resources Practitioner. Isa na akong kawani ng pamahalaan. Ito ang matagal ko ng pinapangarap. At isa-isa kong ikukwento ang aking mga karanasan sa bago kong trabahong ito sa mga susunod ko pang posts.

Ano nga bang meron sa 2011?

Ang 2011 ang pangalawang taon sa dekada ng 2010. Ito ang panglabing-isang taon sa ikatlong milenyo at 21st century.

Itinalaga din ng United Nations and 2011 bilang Taon ng mga Kagubatan at Taon ng Kemistri.

MGA KAGANAPAN SA TAONG 2011

January

1 – Ang bansang Hungary ang mamumuno sa Konseho ng European Union.

16 – 68th Golden Globe Awards

February

27 – 83rd Academy Awards

March

18 – Ang spacecraft na Messenger ay iikot sa paligid ng planetang Mercury.

April

Ilulunsad ng bansang Pakistan ang kanilang kauna-unahang satellite sa kalawakan.

10 – Gaganapin ang Binibining Pilipinas 2011 sa Araneta Coliseum.

May

Ang mga planetang Jupiter, Venus, Mercury at Mars ay maaaring makita mula sa kalawakan.

June

15 – Masasaksihan sa Africa, India at Middle East ang isang Total Lunar Eclipse.

July

1 – Ang bansang Poland naman ang mamumuno sa Konseho ng European Union.

August

15 – 21 – ang ikalabing-tatlong World Youth Day ay gaganapin sa Madrid, Spain.

September

12 – Gaganapin ang Miss Universe 2011 sa Sao Paulo, Brazil

October

November

6 – Ang Miss International 2011 ay gaganapin sa Chengdu, China

December

10 – Isang Total Lunar Eclipse ang masasaksihan sa Asia, Australia at Alaska.

31 – Nakatakdang iwan ng mga tropang Amerikano ang Iraq.

Mga hindi pa tiyak ang petsa:

• Bubuksan sa California ang pinakamalaking solar power plant.
• Ang pagpapahayag ng baong depinisyon ng kilogram.
• Miss World 2011
• Miss Earth 2011
• Miss World Philippines 2011

MGA PELIKULANG IPAPALABAS SA 2011

January

• The Mechanic – Jason Statham, Ben Foster, Donald Sutherland

February

• The Eagle – Channing Tatum, Jamie Bell, Donal Sutherland, Mark Strong
• Hall Pass – Owen Wilson, Jason Sudeikis
• Just Go With It – Adam Sandler, Jennifer Aniston
• Unknown – Liam Neeson, Dianne Kruger, January Jones, Frank Langella
• Bulong (Star Cinema) – Vhong Navarro, Angelica Panganiban
• My Valentine Girls (Regal Films/GMA Films) – Richard Gutierrez, Jillian Ward, Rhian Ramos

March

• The Lincoln Lawyer – Matthew McConaughey, Marissa Tomei, Ryan Philippe, Josh Lucas
• Paul – Simon Pegg, Nick Frost, Jason Bateman, Sigourney Weaver
• Red Riding Hood – Amanda Seyfried, Gary Oldman, Billy Burke,
• Take Me Tonight – Topher Grace, Anna Faris, Teresa Palmer

April

• Your Highness – Danny McBride, James Franco, Natalie Portman
• Arthur – Russel Brand, Jennifer Garner, Greta Gerwig, Helen Mirren, Nick Nolte
• Fast Five – Vin Diesel, Paul Walker, Jordana Brewster
• Scream 4 – Neve Campmel, Courtney Cox, David Arquette, Emma Roberts
• Water for Elephants – Robert Pattinson, Reese Witherspoon, Christoph Waltz

May

• Kung Fu Panda 2 – Jack Black, Dustin Hoffman, Angelina Jolie,

June

• X-men: First Class – James McAvoy, Kevin Bacon, January Jones

July

• Zookeeper – Kevin James
• Cowboy & Aliens – Daniel Craig, Harrison Ford, Olivia Wilde
• Harry Potter & the Deathly Hallows: Part 2 – Daniel Radcliffe, Rupert Grint, Emma Watson, Helena Bonham
• One for the Money – Katherine Heigl, Jason O’Mara, Sherri Shepherd

August

• 30 Minutes or Less – Jesse Eisenberg, Danny McBride, Fred Ward

September

• Ikaw ang Pag-ibig (Unitel/Star Cinema) – Jomari Yllana, Ina Feleo, Marvin Agustin

October

• Real Steel – Hugh Jackman, Dakota Goyo, Kevin Durand

November

December

MGA IPAPALABAS SA TELEBISYON

January

• Mutya (ABS-CBN) – Mutya Orquia, Jairus, Aquino, Precious Lara Quigaman, Alfred Vargas

February

• The Price is Right (ABS-CBN) – Kris Aquino
• I Heart You, Pare! (GMA) – Regine Velasquez, DingDong Dantes
• Sisid (GMA) – Jackie Rice, JC Tiuseco, Ian Batherson, Dominic Roco
• Nita Negrita (GMA) – Barbie Forteza, Joshua Dionisio
• Magic Palayok (GMA) – Claudine Barretto, Carla Abellana, Geoff Eigenmann, Nadine Samonte, Cherie Gil
• Charice: Home for Valentine’s (GMA) – Charice, Ogie Alcasid, Rachel Ann Go, Elmo Magalona
• Babaeng Hampaslupa (TV5) – Alex Gonzaga, Alice Dixson, Susan Roces

March

• Dance With Me (GMA) – Mark Herras, Kris Bernal, Rocco Nacino, Sef Cadayona

April

May

• Captain Barbell (GMA) – Richard Gutierrez, Jillian Ward, Solenn Heusaff, Michelle Madrigal, Sam Pinto

June

• Kapamilya Deal or No Deal, Season 4 (ABS-CBN) – Kris Aquino

July

August

September

October

November

December

Note: Schedules may change without prior notice from the TV Station or Film Studio.

Nawa, kahit huli man ang blog na ito ay magsilbi pa din itong gabay para sa bawat isa sa atin.

Maligayang Bagong Taon!

Sa dalawampu’t pito kong pananatili sa mundong ito, ngayon ko lamang yata nakumpleto ang Simbang Gabi. Kung nakumpleto ko man ito dati ay marahil noong ako ay nasa elementarya pa kung saan ang bahay namin noon ay katabi ng isang kapilya. Madaming beses ko na din sinubukang kumpletuhin ito. May pagkakataong anticipated mass ang dinaluhan ko para hindi ko na kailangang gumising ng maaga. Pero sa hindi ko na maalala pang dahilan ay hindi ko din nakumpleto ang Simbang Gabi.

Ngayong taong ito kailangan kong gumising ng alas dos ng umaga para maghanda sa pang-alas kwatrong Simbang Gabi. Matapos ang Simbang Gabi ay didiretso na ako sa byahe papunta sa aking trabaho. Isang sakripisyo para sa akin. Pero kinailangan kong gawin para sa pagpapatibay ng aking pananampalataya bukod sa pagkakamit ng aking kahilingan.

Saan nga ba nagsimula ang Simbang Gabi?

Ang Pilipinas ay kilala sa buong mundo dahil sa pinakamahabang pagdiriwang ng Pasko. At ang pagdiriwang na ito ay nagsisimula tuwing December 16-ang unang araw ng Simbang Gabi. Sa unang araw ng Simbang Gabi opisyal na nagsisimula ang Paskong Pinoy.

Ito ay nagsimula sa ating bansa noong panahon pa ng pananakop ng mga Kastila. Sapagkat noong panahong iyon, naging kaugalian na ng mga prayle ang pagmimisa sa lahat ng mga baryo sa bansa. Ang misa ay kadalasang sinisimulan ng napakaaga dahil sa maghapon ay kailangang magtrabaho ng ating mga ninuno sa bukid kung saan ang katanghaliang tapat lamang ang oras ng kanilang pahinga.

Noong mga panahon ding iyon, ang binibigay ng mga Pinoy sa mga prayle ay ang kanilang mga aning bigas, prutas at gulay. Gayundin ang mga ginagawa nilang kakanin. At ang iba naman dito ay binabahagi din ng mga prayle sa mga nagsisimba. Ito ang pinagsimulan ng pagtitinda ng puto bumbong, bibingka, suman at iba pang kakanin tuwing Simbang Gabi.

Ang pinakapaborito ko sa mga kakanin na ito ay ang puto bumbong. At ngayong taong ito, dininig ko ang panawagan ng aking tiyan para dito.

Ang Simbang Gabi naman ay magtatapos sa Misa de Gallo o Misa ng Tandang na ginaganap sa bisperas ng Kapaskuhan. Pinangalan ito sa tandang dahil isa ang tandang ay isa sa mga hayop na unang nakasaksi sa pagsilang kay Hesus.

Madami din akong napansin na mga kakaibang gawi ng mga Pinoy tuwing Simbang Gabi. Napupuno lamang ang simbahan tuwing una at huling araw ng Simbang Gabi. Marahil yung ibang tao ay nahihirapan nang gumising sa mga susunod pang araw.

Kapansin-pansin din ang mga kabataan na nasa labas lamang ng simbahan. Isang cathedral ang sinimbahan ko ngayong taong ito kaya madaming tumpok ng mga kabataan ang gumising ng maaga hindi para magsimba kundi para magtipon lamang sa harap ng simbahan. May nadinig pa nga ang kapatid ko na mayroong isang babae ang makikipagtagpo sa kanyang textmate.

Mayroon ding iba, kadamihan ay kabataan, na bago magsimula o sa kalagitnaan ng misa ay lalabas na ng simbahan. Siguro ay inaantok na sila o naiinip sa tagal ng misa. Ang sa akin lang, nagpakahirap sila sa paggising ng maaga para saan? Sila yung mga kabataan na tinawag naming jejemon. Sila yung mga nakapormang pangjejemon na hindi kayang tagalan ang misa. Pakiramdam ko tuloy, ang jejemon ang makabagong jologs.

Nabanggit din ng pari sa isa mga siyam na misa ng Simbang Gabi na kung makukumpleto man ng isang tao ang Simbang Gabi at hindi naman siya nagsisimba tuwing Linggo. Wala ding epekto. Para sa mga taong iyon, ang mahalaga lamang ay ang pagtupad ng kanilang kahilingan at hindi ang pagpapatibay ng kanilang pananampalataya.

Napansin ko din ang mga taong parang gigimik dahil sa kanilang kasuotan at hindi talaga pagsimba ang pakay. Kulang na lang ay gawing isang bar ang simbahan o fashion show ang misa. Ako ay isang taong naniniwala na ang fashion o moda ay kalayaan subalit sana man lang ay magsuot tayo ng nararapat sa okasyon o lugar na ating pupuntahan. Gawin sana nating katanggap-tanggap sa Panginoon ang ating sarili.

Sabi ko sa kaibigan ko, napakadaling kausap ni Lord sapagkat ilang oras pa lamang ang nakararaan matapos ang huling araw ng Simbang Gabi ay natupad na agad ang aking hiling. Hindi ko na lamang sasabihin kung ano ito. Dahil hindi naman talaga ito ang mahalaga. Ang mahalaga at napatunayan ko sa aking sarili na kaya kong magsakripisyo para makamit ang isang bagay na nais ko at ang pinakamahalaga sa lahat ay napagtibay ko pa ang aking pananampalataya sa ating Panginoon.

Hanggang sa susunod na Simbang Gabi!